jour
Корреспондент

Удзельнікаў міжнароднай канферэнцыі аб'яднала гісторыя Шклова

14:3726.03.2018 Культура

На мінулым тыдні ў культурным і навуковым жыцці Шклоўшчыны адбылася знакавая падзея – у наш горад з’ехаліся вучоныя і краязнаўцы з усёй краіны і нават замежжа. А аб’яднала іх гісторыя Шклова. «Шклоў і яго ваколіцы ў гісторыі Беларусі» – менавіта так называлася міжнародная навукова-практычная канферэнцыя, якая прайшла на базе раённага гісторыка-краязнаўчага музея.

Адкрыццё і пленарнае пасяджэнне канферэнцыі адбылося ў кінатэатры «Мір». Прысутнічалі на ім краязнаўцы Шклоўшчыны, вучні і настаўнікі школ горада і раёна і інш.

З прывітальным словам да гасцей і ўдзельнікаў канферэнцыі звярнуўся кіраўнік справамі райвыканкама Вадзім Рагавы. Ён падкрэсліў важнасць захавання гісторыка-культурная спадчыны, пажадаў канферэнцыі плённай работы.

Дырэктар Інстытута гісторыі НАН Беларусі Вячаслаў Даніловіч не проста расказаў пра накірункі работы Акадэміі навук, аднак і ўрачыста уручыў падзякі дырэкцыі Інстытута гісторыі краязнаўцам Вользе Якаўлевай, Александру Грудзіне, Івану Маісееву, Леаніду Анціпенка, дырэктару і навуковаму супрацоўніку раённага гісторыка-краязнаўчага музея Ларысе Сілівестравай і Ірыне Гапеевай, загадчыку філіяла раённага музея ў Крывялі Юрыю Махорыну, настаўнікам Гарадзецкага ВПК і Забродскай СШ Анатолію Турбінскаму і Рыце Мішынай, а таксама перадаў шэраг кніг у падарунак раённай бібліятэцы.

Ну а працу самой канферэнцыі з дакладам «Шклоў магдэбургскі  – дзейнасць магістрата ў 1762 г.» распачаў загадчык аддзела крыніцазнаўства і археаграфіі Інстытута гісторыі НАН Беларусі Аляксандр Доўнар (на здымку).

Сярод тых, хто выступаў на працягу двух дзён, былі кіраўнік Аддзела ваеннай гісторыі Аддзялення гістарычных навук Універсітэта Мікалая Каперніка ў Торуні (Польша) Вальдэмар Рэзмер, загадчык цэнтра спецыяльных гістарычных навук і антрапалогіі Інстытута гісторыі НАН Беларусі Валянцін Голубеў, навуковы супрацоўнік Інстытута гісторыі НАН Беларусі Рагнеда Аляхновіч, прафессар Беларускага дзяржаўнага педагагічнага ўніверсітэта імя М.Танка Эмануіл Іофе і шмат іншых вучоных і краязнаўцаў.

Выступалі з цікавымі дакладамі і шклаўчане – Рыта Мішына, Аляксандр Грудзіна, Ірына Гапеева.

Даклады на канферэнцыі датычыліся самых розных аспектаў шклоўскай гісторыі – рэлігійнае жыццё і іканапіс, гісторыя яўрэйства, раённая газета «Прамень камунізму», Вялікая Айчынная вайна, развіццё сельскай гаспадаркі, побыт шклаўчан у мінулых стагоддзях і інш.

Канферэнцыя прайшла ў надзвычай плённым ключы, і па яе заканчэнні было прынята рашэнне выдаць зборнік, у якім будуць сабраныя ўсе матэрыялы. Сярод іншых вынікаў каферэнцыі важна адзначыць прапанову намесніка старшыні райвыканкама Сяргея Артамонава праводзіць такія канферэнцыі рэгулярна, якая была падтрыманана прадстаўнікамі Акадэміі навук. 

Оставить комментарий
Текст сообщения*
Обновить Защита от автоматических сообщений