jour
Администратор

Занальны этап конкурсу “У далонях маёй Беларусі” прайшоў у Магілёве

08:1611.02.2021 Культура
У Магілёўскім абласным метадычным цэнтры народнай творчасці і культурна-асветнай работы прайшоў другі этап занальнага прагляду абласного агляду-конкурсу аматарскіх тэатральных калектываў “У далонях маёй Беларусі”.
 
Свае тэатралізваныя пастаноўкі 10 лютага прадэманстравалі канкурсанты як з горада Магілёва, так і з Шклоўскага, Круглянскага, Бялыніцкага, Дрыбінскага, Быхаўскага, Магілёўскага раёнаў.
 img_7928_3.jpg
У конкурсе прынялі ўдзел разнажанравыя аматарскія тэатральныя калектывы ўстаноў культуры, якія працуюць у жанры тэатральнага мастацтва.
 
Так, узорнае аматарскае аб’яднанне “Лялечны гурток “Бусляня” дзіцячай раённай бібліятэкі ДУК “Цэнтралізаваная бібліятэчная сетка Шклоўскага раёна” прадставіла тэатралізаванае прадстаўленне “Свята ў роднай хаце” (аўтар Л.У.Кажакіна).
img_7872_1.jpg
Заключны этап конкурсу пройдзе ў трэцяй дэкадзе сакавіка ў Магілёскім абласным метадычным цэнтры народнай творчасці і культурна-асветнай работы. На суд гледачоў будуць прадстаўлены лепшыя тэатральныя пастаноўкі тэатральных калектываў, пераможцаў трох занальных этапаў.

mogilevnews.by