Падарожжа ў старажытны Мсціслаў здзейснілі кіраўнікі ўстаноў адукацыі раёна

Віталі падарожнікаў мсціслаўцы на Замкавай гары хлебам-соллю. Сам князь Мсціслаў уручыў гістарычную грамату кіраўніку групы начальніку аддзела адукацыі, спорту і турызму Шклоўскага райвыканкама Васілію Мікалаевічу Малалеткіну.

Час вярнуў нас на шмат вякоў у мінулае: старажытныя вежы, поле рыцарскіх турніраў, фрагменты раскопак вулачак і жылых дамоў, крыніца… І як на далоні з гары бачны шматлікія купалы праваслаўных храмаў, прыгажосць Дзявочай гары…

Надалей было наведванне сярэдняй школы № 2 г. Мсціслава. Вялізны прыгожы будынак школы наведваюць амаль тысяча хлопчыкаў і дзяўчынак. Па словах дырэктара школы Руслана Міхайлавіча Трубянкова, падчас невялікай экскурсіі, асноўны накірунак дзейнасці – фізічнае развіццё будучых грамадзян нашай краіны. Умовы для гэтага ёсць. І пазітыўныя вынікі таксама ёсць: настаўнікі і вучні ганарацца сваім выпускніком Мікалаем Свядомскім, чэмпіёнам свету па кікбоксінгу сярод юніёраў, шэрагам іншых перамог сваіх вучняў.

Далей экскурсія па Разанцаўскаму НПК д/с – СШ. Па словах дырэктара школы Алены Дзмітрыеўны Пачтовай, працоўнае навучанне не спыняецца і ў летні час. Пацверджаннем таму з’яўляюцца школьныя кветнікі і прышкольна-вопытны ўчастак.

Нельга пабываць на Мсціслаўшчыне і не наведаць Свята-Успенскі Пустынскі мужчынскі манастыр. Прыгажосць месца ўражвае адразу. Веліч аднаўляючыхся святынь нагадвае аб вечным, духоўным. Жадаючыя змаглі акунуцца ў асвячонай купелі, адведаць гаючай крынічнай вады. 

Пазнаёміўшыся з гісторыяй нашай беларускай зямлі, падзяліўшыся вопытам з калегамі з другога раёна, кожны з удзельнікаў паездкі даведаўся шмат цікавага і карыснага, што можна выкарыстоўваць і ў адукацыйным працэсе нашых устаноў адукацыі, наведваць са сваімі навучэнцамі гістарычныя мясціны Мсціслаўшчыны.   
                                             
Анатолій КАЗЛОЎСКІ, 
дырэктар ДУА «Александрыйская СШ Шклоўскага раёна». 

Оставить комментарий
Текст сообщения*
Обновить Защита от автоматических сообщений