Спецыяліст прапаганды Шклоўскага раённага аддзела па надзвычайных сітуацыях Юлія Мартынчык рэгулярна нагадвае правілы пажарнай бяспекі на тэрыторыі горада Шклова. У гэты раз яна не пакінула без увагі ДУА “Гімназія Г. Шклова”, дзе навучэнцам нагадала асноўныя правілы бяспекі жыццядзейнасці.

Хлопцы ўспомнілі правілы бяспечных паводзін у побыце і на вуліцы, а таксама дзеянні пры ўзнікненні пажараў або іншых надзвычайных сітуацый. У завяршэнне сустрэчы навучэнцам былі прадэманстраваны відэафільмы, а таксама раздадзеная наглядная прадукцыя прафілактычнага характару.