У рамках акцыі «За бяспеку разам» работнікі Шклоўскага районнага аддзела па надзвычайных сітуацыях суместна з суб’ектамі прафілактыкі праводзяць прафілактычную работу ў вясковых населеных пунктах Шклоўшчыны.

Ратавальнікі нагадвалі мясцовым жыхарам аб тым, як зберагчы сваё жыллё ад пажару. Распавядалі, што ў аснове пажараў ляжыць чалавечны фактар і як важна трымаць у спраўнасці ацяпляльныя прыборы, электраправодку і электрапрыборы. Работнікі МНС рэкамендавалі жыхарам для папярэджання пажару ў пакоі ўсталяваць аўтаномныя пажарныя апавяшчальнікі, якія апавясцяць гучным сігналам ў выпадку задымлення. Па выніках працы мясцовым жыхарам аказана кансультатыўная дапамога па ліквідацыі выяўленных парушэнняў пажарнай бяспекі. Таксама прадстаўнікі МНС нагадвалі грамадзянам правілы бяспекі пры спальванні сухой расліннасці і смецця на прыдамавых тэрыторыях.

Кожны жыхар атрымаў наглядна-выяўленчую прадукцыю.