Гадуноў Аляксандр Антонавіч, нарадзіўся у 1921 г. у в. Фашчаўка ў сям’і селяніна. Пасля заканчэння сярэдняй школы ў 1939 г. з атэстатам выдатніка паступіў у Ленінградскі універсітэт, які закончыў пасля вайны. Ваяваў на фронце танкістам. У 1945 г. – камандзір роты цяжкіх танкаў ІС-122. Пасля цяжкага ранення пазбавіўся рукі. 3 1950 г. на працягу 20 гадоў працаваў у Ленінградскім дзяржаўным універсітэце, дзе прайшоў шлях ад аспіранта да прафесара, дэкана эканамічнага факультэта. Пяць гадоў загадваў кафедрай упраўлення вытворчасцю Ленінградскага інжынерна-эканамічнага інстытута імя П. Тальяці. У 1976 г. па запрашэнні пераязджае ў Мінск у інстытут народнай гаспадаркі і працуе на пасадзе загадчыка кафедры ўпраўлення да 1991 г. У сувязі з арганізацыяй Акадэміі ўпраўлення пераходзіць на работу ў гэтую навучальную ўстанову. Вучоны падрыхтаваў 13 кандыдатаў эканамічных навук, аўтар звыш 50 навуковых прац. 

     Ратны і працоўны шлях А. А. Гадунова адзначаны шэрагам узнагарод — ордэнамі Аляксандра Неўскага, Айчыннай вайны I і II ступеняў, многімі медалямі і ганаровымі граматамі. 

     А. А. Гадуноў памёр 10.02.1994 г., пахаваны на радзіме.