Ісаеў Віктар Цітавіч

 Ісаеў Віктар Цітавіч, нарадзіўся 7.11.1937 г. у в. Камароўка. У 1956 г. закончыў Каменна-Лаўскую СШ. У 1956-1960 гг. — служба ў Паўночным ВМФ (падводнік). Пасля звальнення вучыўся ў Мінскім педінстытуце імя А. М. Горкага на гісторыка-геаграфічным факультэце, які закончыў у 1965 г. з адзнакай і быў пакінуты працаваць у інстытуце асістэнтам на кафедры ўсеагульнай гісторыі. 

     З 1969 па 1971 г. быў аспірантам; абараніў кандыдацкую дысертацыю на тэму: «Падрыхтоўка і рост кадраў рабочага класа БССР у пасляваенныя гады (1945 — 1950)». З 1977 па 1990 г. — дэкан па рабоце з замежнымі студэнтамі, пасля — дацэнт кафедры славянскай гісторыі і метадалогіі гістарычных навук. У розных выданнях апублікавана каля 30 навуковых прац, навукова-папулярных артыкулаў.