Цікавая і прыгожая выстаўка маладзечанскіх мастакоў дзейнічае ў раённым гісторыка-краязнаўчым музеі

Васіль Бураў у свой час скончыў аддзяленне станковага жывапісу і графікі Маскоўскага універсітэта культуры і мастацтваў. У яго актыве – больш за тысячу карцін, каля 40 персанальных выстаў. Карціны Васіля Бурава маюць розную сюжэтную накіраванасць: тут і партрэты, і пейзажы, і бытавыя сцэны… Аднак у кожнай – філасофскі падтэкст. Яркія фарбы ствараюць сюрэалістычныя вобразы, якія прымушаюць задумацца пра сусвет, пра сябе, пра жыццё… Па прызнанню самаго мастака, у карцінах ён адлюстроўвае тое, што адбывалася ў яго асабістым жыцці.

Творчасць Ядзвігі Сянько неразрыўна звязана з хрысціянствам. Яна піша спісы з вядомых ікон па блаславенню Філарэта Мітрапаліта Мінскага і Слуцкага Патрыяршага усяе Беларусі. І, канешне ж, вельмі ўражваюць нацюрторты і пейзажы мастачкі, на якіх – сапраўдны кветкавы рай.

У актыве Ядзвігі Сянько больш за 150 персанальных выставак, яе карціны знаходзяцца ў прыватных калекцыях у розных краінах свету.

Адкрыццё выстаўкі прайшло ў канцы чэрвеня. Прыстунічалі на ім неабыякавыя да мастацва жыхары нашага горада, якія з цікавасцю слухалі расповяд старшага навуковага супрацоўніка музея Ірыны Гапеевай і дзяліліся ўражаннямі. Прыемна, што на мерапрыемстве былі і дзеці. А навучэнка гімназіі Аня Сілівестрава нават парадвала прысутных выкананнем музычнай кампазіцыі на  раялі.

Выстаўка будзе дзейнічаць да 1 верасня. За гэты час кожны жадаючы можа пазнаёміцца з прыгажосцю і філасофіяй твораў маладзечанскіх мастакоў.