Кожны куток у нашай краіне адметны сваёй гісторыяй, людзьмі, якія сваёй працай ушаноўваюць свой край, сваімі традыцыямі, абрадамі, фальклорам. 

Свята вёскі адбылося не так даўно ў аграгарадку Дабрэйка. Свята адкрыла старшыня Каменналаўскага сельсавета Алена Асіпенка. Пасля адкрыцця адбыўся канцэрт вакальнага ансамбля “Добрыя напевы” і народнага ансамбля “Славеніца”. Паміж выступленнямі Алена Пятроўна віншавала працаўнікоў вёскі, ветэранаў, старэйшых жыхароў, маладыя сем’і. У час спеваў людзі таньчылі і спявалі. Жыхарамі вёскі была арганізавана выстава садавіны і агародніны, прыгожых кветак. Удзельнікам выставы былі ўручаны падарункі.

Дабрэйка ўпершыню згадваецца на рукапісных старонках з пачатку 17 стагоддзя, калі ўваходзіла ў склад Магілёўскага замка. У 18 стагоддзі былі дзве вёскі: Вялікая Дабрэйка і Малая Дабрэйка. Аб’ядналіся вёскі толькі ў 1920 годзе.