У Дабрэйцы святкавалі Каляды

Навагоднія святы – гэта заўсёды радасць, усмешкі, віншаванні, добрыя пажаданні. Гэта вера ў лепшае, надзея на поспех, любоў да бліжняга.

Работнікі Дабрэйкаўскага Дома народнай творчасці, кіруючыся такім намерам, арганізавалі для жыхароў мясцовага аграгарадка Калядкі. Галоўнымі героямі на свяце, вядома, былі Гаспадар, Гаспадыня, сімвал года Козачка, Цыганка і яе памочнікі. Перадаць святочны настрой, які панаваў сярод валачобнікаў, дапамагалі гармонік, бразготкі i калядныя абрадавыя песні ў выкананні ўдзельнікаў фальклорнага гурта "Вяскоўцы": Іны Атрошанка, Ірыны Тарасавай, Юрыя Бабака, Канстанціна Каралёва.

Іх пажаданнямі для вяскоўцаў былі: каб у новым годзе ўсе жылі ў згодзе, расцвіталі кветкі, радзілі палеткі, хлеба было ўволю і шчаслівай доля. Мір на ўсёй планеце і здаровы дзеці.