Дзіцячая бібліятэка дзяржаўнай установы культуры «Централізаваная бібліятэчная сетка Шклоўскага раёна», у рамках месячніка “Гучы родная мова”, прысвечанае Міжнароднаму дню роднай мовы, адбылася творчая сустрэчу з членам Саюза пісьменнікаў Беларусі, выдатнай пісьменніцай і нашай зямлячкай Галінай Сяргееўнай Пярун. 

Падчас сустрэчы пісьменніца вяла размову з навучэнцамі ДУА “СШ № 4 г. Шклова” аб тым, як важна ведаць і паважаць родную мову, не толькі размаўляць на занятках у школе, але і ўжываць яе ў штодзённым жыцці, бо беларуская мова прыгожая і мілагучная. Дзеці актыўна удзельнічалі ў размове і радавалі пісьменніцу сваімі добрымі ведамі. Пасля Галіна Пярун прэзентавала маленькім чытачам сваю кнігу “Прыгоды сяброў і добрыя парады ад Усімдапамагайкіна”. Літаратурны герой жыве ў медыцынскай энцыклапедыі і дапамагае знайсці адказ на пытанні, як засцерагчыся ад укусу сабакі, у якіх выпадках выклікаць хуткую дапамогу і шмат іншага. Напрыканцы сустрэчы пісьменніца парадавала дзяцей сваім уласным лялечным тэатрам “БІ-БА-БО” з беларускай казкай “Як ліса гаспадыняй у дзеда была”.

Сустрэча прайшла ў цёплай атмасферы і ў сэрцы ўсіх удзельнікаў засталіся добрыя ўражанні.

Юлія ВАРАНКОВА, загадчык дзіцячай бібліятэкі