У Шклове будзе ўстаноўлены помнік П. Алейнікаву

Таксама плануецца ўстаноўка помніка нашаму знакамітаму земляку. У хуткім часе ён будзе размешчаны каля раённага Дома культуры. Як паведаміла намеснік начальніка аддзела ідэалагічнай работы, культуры і па справах моладзі райвыканкама Галіна Валозіна, ідэя стварэння помніка належыць грамадскасці Шклоўскага раёна. Аўтарам скульптурнай кампазіцыі з’яўляецца член Беларускага саюза мастакоў, заслужаны дзеяч мастацтваў Рэспублікі Бурація Расійскай Федэрацыі Аляксей Паўлючук. Выраблены аб’ект манументальнага мастацтва за спонсарскія сродкі.

– Помнік уяўляе сабой адзін з фрагментаў фільма «Трактарысты», выраблены з бронзы і граніту, – кажа Галіна Алегаўна. – Яго вышыня разам з пастаментам 2,25 метра. Спадзяёмся, што помнік вядомаму і ўсенародна любімаму савецкаму кінаакцёру ўпрыгожыць наш раённы цэнтр, стане элементам яго добраўпарадкавання і турыстычным аб’ектам, яркім прыкладам памяці аб слаўных земляках зямлі Шклоўскай.