У Чарнаруцкай бібліятэцы 25 мая быў адзначаны Дзень ручніка. Для наведвальнікаў бібліятэкі была аформлена выстава-экспазіцыя «Беларускі ручнік», на якой прадстаўлены ручнікі жыхароў навакольных вёсак з фонда краязнаўчага кутка бібліятэкі.
Прысутныя даведаліся аб паходжанні ручніка і аб тым, якое прызначэнне прыдавалася яму ў жыцці нашых продкаў. Мясцовая жыхарка Галіна Уладзіміраўна Анцюкова прадставіла прысутным сямейную рэліквію – ручнік сваёй бабулі Марыі з надпісам «Работа и мучитъ и кормитъ и учитъ», вышыты яшчэ прыкладна ў 1920-1930 гадах мінулага стагоддзя.
Наведвальнікі бібліятэкі пазнаёміліся з матэрыяламі этнаграфічнай экспедыцыі «Тайна беларускага ўзору», праведзенай Чарнаруцкай бібліятэкай разам з супрацоўнікамі Шклоўскага раённага краязнаўчага музея і Чарнаруцкай школы па вёсках Чарнаручча, Ступляны, Рамшына, з мэтай вывучэння этнаграфічных тканін асобнай мясцовасці.
