2024 год азнаменаваны слаўнай датай – 80-й гадавінай вызвалення Беларусі, Магілёўскай вобласці, Шклоўскага раёна ад нямецка-фашысцкіх захопнікаў. ДУК «Цэнтралізаваная бібліятэчная сетка Шклоўскага раёна» запланавала шэраг мерапрыемстваў, прымеркаваных да гэтай памятнай падзеі. Трэба адзначыць, месяц май выдаўся надзвычай насычаным і праходзіць пад знакам святкавання Дня Перамогі савецкага народа ў Вялікай Айчыннай вайне. Мноства акцый, сустрэч з актуальнай кнігай, гучныя чытанні, вечары – успамінаў, выставы, экскурсіі, дыскусіі, прэзентацый, літаратурны марафон… Усе гэтыя мерапрыемствы носяць жывы і эмацыйны характар. А чытанне вершаў у выкананні вучняў школ раёна зачароўваюць слухачоў, нібы пераносячы іх у той страшны ў гісторыі час.

Падобныя мерапрыемствы выклікаюць буру эмоцый і пакідаюць глыбокае ўражанне ў сэрцы кожнага, хто прысутнічае на іх. Нельга не адзначыць, арганізаваны Шклоўскай цэнтральнай бібліятэкай, патрыятычны праект «Захаваем памяць аб вайне ў нашых сэрцах». Праект – гэта дакрананне да вялікага подзвігу народа праз самыя праўдзівыя крыніцы. Галоўнай мэтай з’яўляецца прыцягненне ўвагі моладзі да вывучэння гісторыі сваёй краіны ў перыяд Вялікай Айчыннай вайны на прыкладах вядомых літаратурных твораў героіка – патрыятычнай накіраванасці. Гэты праект складаецца з чатырох раздзелаў «Па слядах мужнасці і стойкасці», «Пераможны май! Квітнеючы май!», «Лета 44-га», «Калі мы адзіныя, мы не пераможныя» і будзе поўнасцю рэалізаваны на працягу гэтага года.

У рамках праекта аб’яўлены і фотаконкурс «80 фотакадраў аб вайне», які прысвячаецца памяці загінуўшых, вечна маладых салдат і афіцэраў, якія засталіся на франтах, праслаўленню подзвігаў працаўнікоў тылу. Шклоўчане дзеляцца з намі фатаздымкамі з сямейных альбомаў: ветэранаў Вялікай Айчыннай вайны, працаўнікоў тылу, дзяцей вайны, з каментарамі да іх (хто на здымку, кароткая біяграфія, час і месца здымкі); фатаграфіямі, на якіх адлюстраваны памятныя сімвалы часоў Вялікай Айчыннай вайны (помнікі, стэлы, манументы), артэфакты сямейнай гісторыі (прадметы, дакументы, узнагароды). Кожнае фота – гэта памяць, гэта магчымасць убачыць падзеі тых гадоў, прасякнуцца маштабам бяды і цаной Перамогі, даведацца пра гісторыі і лёсы людзей.

Валянціна Суткаленка, загадчык аддзела маркетынгу і сацыякультурнай дзейнасці ДУК «Цэнтралізаваная бібліятэчная сетка Шклоўскага раёна»