Міжнародны дзень роднай мовы адзначаецца паўсюль 21 лютага. У рамках гэтага свята ў нашай школе прайшло мерапрыемства “Размаўляй са мной па-беларуску”, якое правяла настаўніца беларускай мовы і літаратуры  Людміла Васільеўна Здаравікова. 

Спачатку прайшла размінка, дзе вучні 3-11 класаў адказвалі на пытанні. Затым прынялі ўдзел у конкурсах на лепшага чытальніка вершаў беларускіх паэтаў, скарагаворак, гульні “Так ці не”. Для вучняў старэйшага ўзросту быў праведзены літаратурны рынг, у ходзе якога быў выбраны лепшы знаўца літаратуры. Ім стала вучаніца 11 класа Паліна Панкевіч, таксама добрыя веды паказалі аўтар гэтых радкоў і вучаніца 5 класа Маргарыта Шэпелева. Адна з літаратурных старонак была прысвечана юбілярам: Івану Мележу, Івану Шамякіну і Кандрату Крапіву. Было загадкавае і цікавае пытанне пра пісьменніка, які мае дачыненне да Шклоўскага раёна. Вучні адказалі, што гэта Міхась Зарэцкі. Яшчэ адно з цікавых заданняў – “Літаратурны баль”, у якім вучні ўспаміналі герояў з літаратурных твораў і збіралі іх у пары. 

Гэты дзень у нас прайшоў хутка, весела і цікава. У канцы былі падведзены вынікі, лепшыя знаўцы роднай мовы былі ўзнагароджаны салодкімі прызамі.

Марына МАКАРАВА, вучаніца 7 класа ДУА “Чарнаруцкі ВПК дз/с – СШ”